Washington, Sa Kap Fèt :Senatè Demokrat yo Griye Minis Jistis Ameriken, William Barr, nan Sena a.

Konklizyon rapò pwokirè espesyal Robert Muller a ki tap ankete pou wè si Larisi te manipile eleksyon 2016 yo e si prezidan ameriken an, Donald Trump, tap anpeche lajistis fè travay li, dosye sa domine aktyalite a nan kapital federal amerikèn nan. E li rebondi tou nan kongrè a kote komisyon jistis sena a enteroje minis jistis la, William Barr.

Nan yon seyans entèrogatwa, bout di, sere boulon katrèdtan (4è), senatè demokrat yo griye William Bart ak anpil kesyon ki te mete l malalèz. Yo repwoche Bill Bart deske lap pwoteje Donald Trump. Palmantè yo repwoche l dèske li pat mansyone ni nan rezime rapò 4 paj li a, ni nan dènye konferans pou laprès li te bay avan li remèt kongrè rapò a, fristrasyon pwokirè espesyal Robert Muller te pataje avè l sou divès tantativ prezidan ameriken an tap fè pou bloke ankèt la.

—–
Pa bliye abòne ak Chanèl youtube globalmedia28 pou rete konekte ak aktiyalite nan Washington DC

Leave a comment

Your email address will not be published. Required fields are marked *